Tá áthas ar Chomhairle Cathrach na Gaillimhe cuireadh a thabhairt duit páirt a ghlacadh sa
tríú céim neamhreachtúil de chomhairliúchán poiblí agus rannpháirtíocht phoiblí do
Thionscadal Pháirc Chomharsanachta na Rinne Móire. Is deis spreagúil é Tionscadal Pháirc Chomharsanachta na Rinne Móire chun na spásanna glasa atá suite ar fud na Rinne Móire, Thrá Bhaile an Locháin agus Loch an tSáile a athshamhlú agus a nascadh le chéile.
Fanfaidh an chéim chomhairliúcháin seo ar oscailt ar feadh tréimhse ceithreseachtaine ón Déardaoin an 9 Aibreán go dtí Dé Domhnaigh an 10 Bealtaine 2026. Cuireann an chéim rannpháirtíochta seo le comhairliúchán fairsing poiblí a rinneadh in earrach agus i bhfómhar na bliana 2025. Ag gach céim den rannpháirtíocht, bhí rannpháirtíocht láidir ón phobal, agus bhí ról lárnach ag an aiseolas a fuarthas maidir leis an tionscadal a mhúnlú.
Tá athbhreithniú agus anailís déanta ag an bhFoireann Dearaidh ar an aiseolas seo agus, ag féachaint do na riachtanais pholasaí ábhartha agus srianta suímh, tá na dearaí
is fearr ullmhaithe aici don Rinn Mhór, do Thrá Bhaile an Locháin agus do Loch an tSáile. Áirítear sa suirbhé ceisteanna a bhaineann leis na dearaí is fearr a chuirtear i láthair ar na Cláir Eolais.
Iarrtar ort na Cláir Eolais a léamh sula gcuireann tú an suirbhé i gcrích.
Is féidir an suirbhé a dhéanamh ar líne trí úsáid a bhaint as fón póca, ríomhaire glúine nó ríomhaire deisce. De rogha air sin, is féidir aiseolas a thabhairt go pearsanta ag an imeacht comhairliúcháin phoiblí ‘buail isteach’ a bheidh ar siúl
Dé Luain an 20 Aibreán 2026 (3:30pm-8pm) in Óstán Chonnacht. Beidh leaganacha páipéir den suirbhé ar fáil freisin le linn an tseisiúin.
Ba chóir go dtógfadh sé thart ar 5 nóiméad an suirbhé a chríochnú.
Má bhíonn aon deacracht agat an suirbhé a líonadh amach is féidir leat ríomhphost a sheoladh chuig
info@renmorepark.com.